巴塞隆拿除咗傾緊多蒙特翼鋒奧士文尼迪比利，據西班牙《每日體育報》報道，收購利物浦中場菲臘比古天奴亦都好事近，據報巴塞代表已經三次到倫敦同利物浦談判，連古天奴經理人亦到倫敦，而且巴塞亦將轉會費增加到一億歐元（約9.2億港元），務求打動紅軍，巴塞更有信心話西甲開「咧」前可以將古天奴帶到魯營。