港鐵九日五樁事故，周日觀塘線跪低十小時，乘客終於抓到機遇，親身試吓，當權者怎樣點你。明知壞車，實報實訴，讓乘客自行決定更改行程。但港鐵一味叫乘客耐心等候，有人在車廂乾等了一小時。乘客難掩怒火，一句講晒，港鐵呃人！
高鐵每個月營運費八千萬？實牙實齒凶反對一地兩檢的市民，兩日後個主席摸住思考的屁股推說「八千萬只係估計」。明呃人！暗呃是指車程48分鐘直達廣州南站番禺，香港有幾多商務客每日準點搭上164班列車中的12班車，不停站去番禺傾生意做大deal？調查指商務客近年急降，高鐵營運本大利小，開通後等於蝕住做，經濟效益，七除八扣。局長掃把頭上身叫議員放長雙眼睇效益，這不就等同港鐵壞車但叫乘客等吓等吓又等吓！呃人呃人再呃人！
官員狡辯說一直有公眾諮詢，正式做啦笨。袁國強漏嘴說，做唔做，都無差別！強姦犯點會諮詢受害人呢，林鄭甚至會說「你反對咩？我都唔明。」乾脆教育埋你，當強姦犯是劉華和發哥共同體，咪妖魔化強姦犯咪得咯！接下來，林鄭豪使千億儲備，香港人實發過豬頭丙，咁都唔肯趴低？匪夷所思！