抗癌路從不易過，37歲的黃可欣小四時發現右腳大腿有個如芒果般大的腫瘤，癌細胞更迅速擴散至肺部，醫生斷定其生存率只有一成，入院治療期間她自我封閉「成日喊、又唔睬人」，但同房病童的樂觀性格改變其一生，即使康復後她再患乳癌，也能樂觀積極與癌魔搏鬥。
生命小戰士會昨舉行第三屆傑出小戰士選舉頒獎典禮，5名兒童時期與癌症搏鬥、但憑堅毅意志戰勝病魔的人士獲頒傑出小戰士。
現為室內設計師的可欣一路走來，伴隨她的是橫紋肌肉瘤及乳癌。9歲時發現右腳大腿內側「腫起」，原來患上橫紋肌肉瘤4期，腫瘤有如芒果般大，更擴散至肺部，當時醫生指其生存率只有一成，更需要切除右肺，「嗰時真係晴天霹靂好唔開心、接受唔到」。
可欣患病前經常參與學校活動、運動會等，賽跑更獲全級第二；停學接受治療期間，「幾乎全日都喺度嘔，又食唔到嘢，只係識喺病房喊、又唔睬人」。令她走出低谷是同病房的病童，「佢成日走埋嚟同我講，不如一齊玩啦，又搵埋我一齊捉棋」，成功解開其心結，「就算我唔開心，嗰病都係咁，所以我之後要開心過」。
經歷兩年抗癌路，她康復後繼續學業，後來當上室內設計師。但可欣20多歲時癌魔再出現，確診乳癌，需再做手術及化療，「之前病過一次，今次識得點面對」，再一次戰勝癌魔。抗癌路上，她最感謝媽媽，「嗰時媽咪辭職全天候照顧我，人哋話我好堅強勇敢，但其實最堅強勇敢係媽咪」。
腦癌女變醫生
另一名獲獎的是今年36歲、威院腸胃肝科專科醫生盧靄珊，她11歲腦部患上罕見的惡性纖維肉瘤，當時醫生指全港只有兩宗病例，首名患病者已過身。但醫生一番話未有嚇怕她，雖要經常出入醫院，「但我從來冇喊或者扭計」。她憶述首次開腦手術未能成功切除腫瘤，「個腫瘤好似湯碗咁大，（醫生）開咗嗰腦之後都要閂返」，要先做化療，其後再做第二次開腦手術，始成功切除腫瘤，患病經歷令她立志長大後要做醫生。
■記者譚靜雯