利物浦喺周日進行最後一場季前熱身賽，以3:1擊敗畢爾包。紅軍日前傳出中場拉爾拉拿受傷要唞幾個月，加上收購修咸頓中堅華基爾雲迪積克未有進展，領隊高路普喺賽後就暗示未必再有新面孔：「雖然未到8月31日（轉會窗關閉日），一切事情仲有機會發生，但要完成一單轉會，唔係單憑一間球會嘅意願就可以。艾拔圖摩蘭奴回勇，新兵安德魯羅拔臣技術亦唔錯。」
