【星二代放暑假】趙海珠二十二歲港大畢業後當上無綫女主播，有新聞之花之稱，二十五歲跳槽變身窩輪天后，二十九歲修畢MBA，認識現任丈夫陳昊言，先後誕下現年四歲半囝囝陳彥熹與一歲囡囡曉霈。趙海珠幸福滿瀉，曾被人誇讚「生女要似趙海珠」。沒錯！為人父母，當然希望子女健康幸福，一生無憂無慮，就像趙海珠一樣，而趙海珠教導子女方法是零學術，暑假就在家「整吓嘢食」，消耗兒子體力為前提。
採訪：懷鈺、羅慧敏
攝影：沈健程
場地提供：Kido Town啟道教育城
現年三十五歲的趙海珠2011年與富二代陳昊言結婚後，現育有四歲半囝囝陳彥熹與一歲囡囡曉霈，對於子女培育，自有一套理念，她日前受訪時說：「我哋想佢哋開心，要學習嘅路仲有好長，呢個時候畀佢哋開心啲玩啦，希望佢哋有個開心童年，雖然真係好老套，希望大個諗番轉頭，會諗起我哋帶咗佢去邊度玩，而唔係去咗邊個補習班，將來都會希望佢哋識中文、數學，不過慢慢再加啦，𠵱家呢個時候係去玩，玩都可以學到好多嘢。」
攪拌打蛋好開心
今個暑假，全職媽咪趙海珠諗頭多多，望令囝囝可以過得充實。她最喜歡跟囝囝整色整水製作食物，例如去學整甜品如Cupcake之類，認為是親子最佳節目，「平時喺屋企都做好多唔同嘅嘢，暑假要消磨佢哋嘅時間，真係要諗喺屋企可以做乜，除咗睇吓書、開套卡通片睇，都鍾意整吓嘢食，因為囝囝都鍾意嘅，會整吓曲奇餅、鬆糕仔，叫佢攪攪攪、試吓打蛋，已經好開心。」
囝囝彥熹精力充沛，平日趙海珠愛為他安排勞動活動，她說：「佢太活躍，平時同班小朋友一齊畫畫，亦會學中國武術，主要消耗吓佢啲體力。得閒會跟同學仔出去玩，約play day，總之都係玩同放電。」在充滿競爭的「求學之路」，她不認同小朋友有太大壓力，現時更主張零學術，她說：「我絕對唔係虎媽，主要係畀佢喺活動中學習，之前都有經歷過一個時候係擔心過，會諗乜都唔畀佢學，唔識喎、會唔會好遲，但係我先生同我講遲早都會識㗎啦，亦都怕如果催谷得太緊要反而有反效果。」
國際學校學爭取
趙海珠在港就讀傳統學校完成學業，老公則是在外國讀書長大，相比下，趙海珠嫌自己缺乏創意兼太保守，於是決心讓兒子報讀國際學校，「我唔想框死佢，想佢自由發展，主動爭取，自己行自己嘅路。」對於子女的將來，她抱開放態度：「大前提要做好人，唔好害人係最緊要，希望佢行自己嘅開心路。」
親甜品樂
無論參加親子興趣班還是在家中親子樂，製作甜點都是趙海珠和兒子興趣班的首選。
做法：
依次將蛋漿與黃糖、室溫朱古力磚與牛油、Buttermilk及其他所有材料攪勻，然後將攪拌好的材料放入紙杯，約七、八成滿就可，再放入180℃預熱好的焗爐焗18至20分鐘，即成。
Cupcake上的裝飾用糖膠製成，可以發揮小朋友的創意。
Cupcake材料（約4個份量）
低筋麵粉 66克
朱古力粉 10克
蘇打粉 1克
泡打粉 少於1克
鹽 少許
牛奶、黑朱古力磚 18克
牛油（室溫） 50克
𤏸糖 26克
蛋漿 33克
Buttermilk（室溫） 75克
Kido Town啟道教育城「至叻小廚師」
課程時間：逢周六
一堂學費：$280（1小時15分）
想隨時獲得更多親子資訊，快啲like Easy PaMa Facebook啦！
https://goo.gl/1qWM8g