年輕人係林鄭月娥想拉攏嘅支持對象，所以啱啱剛舉辦嘅電競音樂節，點會唔係林鄭呃like嘅最佳時機？話說韓國SM事務所旗下歌手傾巢來港，包括男團EXO、Super Junior、SHINee及女團Red Velvet等期間有演出，林鄭訪京前都不忘去捧場，唔少得嘅當然係即場同部份韓星合照，有SJ嘅銀赫揸住自拍神棍，企喺中間嘅林鄭高舉V字手勢，仲喺上京拜訪前將相片放上ig同fb，兼且hashtag晒韓星，同場合照仲有旅發局主席林建岳。
林鄭仲喺fb用韓文打出留言：「感謝你們的好表演！」唔少網民留意到當日着淺綠色上衣嘅打扮好似青春咗，似乎係刻意配合活動，同在場人士打成一片。而八方最想知道嘅係，林鄭同呢班韓星合照前，到底搞唔搞得清楚，邊個係邊位呢？