皇家馬德里球星基斯坦奴朗拿度（C朗），最近俾西班牙電台爆料話佢就逃稅案進行私人聆訊嗰陣，曾經話喺英格蘭搵食期間未受過稅務問題困擾，好想返英格蘭，令佢喺皇馬嘅前途好受關注。不過呢位葡萄牙球星上周六終於放完長假歸隊操練，備戰周二歐洲超級盃。完咗操練之後皇馬會長佩雷斯嚟探班同職球員見面，C朗亦同佢有傾有講，唔知皇馬球迷會唔會放心啲呢？
