林鄭前日就訪問完新加坡，而離開咗議會嘅民主黨劉慧卿，咁啱今日都出發去新加坡，之後跟手再去埋台灣。卿姐同林鄭前後腳去新加坡，不過兩個人睇嘅嘢好唔同咯。
卿姐噚日喺網台訪問完立會主席梁君彥，今日就要出發同兩位大學生去獅城。佢話呢次訪問查實冇特定議題，只不過適逢下星期係新加坡國慶，加上新加坡第一家庭呢期爆出內鬥咁刺激嘅嘢，所以佢想去見吓議員、學者、學生、傳媒等。下周四去台灣嗰轉就真係有會開。卿姐話，喺香港開過會嘅亞洲自由民主聯盟，今年移師台灣。有報道話，呢次台灣民進黨會同聯盟喺台北舉辦2017年亞洲自由民主聯盟女權高峯會，難怪卿姐要去啦！