香港人對滋擾電話唔會陌生，原來連警方999緊急服務中心收到的電話中，都有三成幾係滋擾性電話或屬錯誤撥出。
警方噚日透露，今年首6個月，各總區指揮及控制中心共接聽104.7萬個來電，當中約35萬個來電屬滋擾性或錯誤撥出，佔來電總數約33.7%，較2016年同期不跌反升。
警方發言人噚日話，濫用緊急熱線，不但影響警方處理緊急事故效率，亦可能延誤真正需要嘅市民向警方求助，令佢哋生命安全受威脅。
警方又話，各個警署都可以迅速處理大部份非緊急案件同求助個案，市民有需要可直接向警署求助，唔知一眾「報警L」又收唔收到？