【本報訊】一名職業司機上周五在石崗一間車身廠取車期間跌倒，左腳大量流血，他投訴車廠負責人拒絕代叫救護車，當救護車到場，車廠女職員亦拒絕協助救護員，更冷漠稱「你真係麻煩，搞到我連飯都食唔落！」司機批評車廠拒施援手，「完全冇人理，仲話阻住你食飯，你會唔會涼薄咗？」
被迫自行叫救護車
葉先生從事運輸20多年，上周五被公司派去亞洲車身廠領取新的單層巴士，原本要駛走再交付客人。他按職員指示取車，但甫踏上梯級便滑倒，倒地後腳部流血受傷、同時感到暈眩。當時車廠主管走近稱「你上錯車啊！唔係呢架啊！」葉先生要求主管叫救護車，對方卻致電其公司稱葉先生上錯車才跌倒。
葉先生惟有自行呼叫救護車，負傷走入車廠辦公室請女職員代為講解車廠的具體位置，再遭到女職員拒絕，「佢話我唔會做呢樣嘢喎，唔關我事喎，你自己講就得啦」。救護員一時找不到位置，須致電葉先生詢問，但他滿手是血，觸碰手機無法感應，幸好有職員主動出去引導救護車到場。
救護員到場後請女職員協助找報紙和膠袋墊地下，方便洗傷口工作，但該女職員袖手旁觀。葉先生憶述當時是中午，女職員買了外賣飯盒，更說：「你真係麻煩，搞到我連飯都食唔落！」救護員忍不住駁斥「你唔應該講埋啲咁嘅說話」。葉先生最後被送去博愛醫院，醫生指他跌倒時左腿被硬物插傷，有3毫米深傷口，現時每日要洗傷口。
葉先生批評涉事車身廠沒有安全指引，遇到有人受傷時竟無人急救，正考慮循民事索償。記者曾致電涉事車廠查詢，接電話職員稱不接受訪問，旋即掛線。涉事女職員亦拒回應。涉事亞洲車身廠是本港最大巴士車身組裝工廠之一。翻查公司註冊處資料，亞洲車身工程有限公司現時主要股東是鄧偉達、郭維權和林昌。
■記者潘柏林