曼聯周三喺熱身賽2:1擊敗森多利亞，紅魔新兵尼曼查馬迪今場「地標」正選上陣踢咗半場，表現就冇乜特別，不過途中發生咗段小插曲。馬迪一次搶截之後追唔番個波，所以出界後就發洩式抽一腳，點知踢唔中場邊嘅廣告板，反而兜口兜面省中一個女球迷，痛到嗰位女士雙手揞面，連眼鏡都好似爆埋，馬迪都識做，即刻上前嚟個抱抱作安慰。