【本報訊】在大帽山經營茶水亭22年的連姐（蓮姐），因被投訴沒有食物牌照，無奈下停售熱食。申請兩個月後，連姐前日終獲食環署發出「食物製造廠牌照」，「攞番牌可以賣番魚蛋燒賣，好開心，可以幫到人哋，做番原來想做嘅嘢」。
昨晨6時許，連姐返回茶水亭開檔，笑容燦爛，她感謝一直支持她的跑友、山友、車友及郊遊人士，「我好多謝政府相關部門，多謝傳媒，多謝王生，多謝陳淑莊，佢哋幫我跟進事件，支持我，畀正能量我」。
獲贊助蒸餾水
她口中的王先生是與她甚老友的康宏金融集團主席王利民。王前日率先在fb貼文，與拿着牌照的連姐合照，始令事件浮面。她稱由於無自來水，現時惟有用蒸餾水，「好彩我有好多人贊助，有時（活動）大會用剩大桶蒸餾水，唔要好嘥，佢哋又冇地方，所以送咗畀我。」
連姐記得年前大帽山結霜，大批人被困山上，當時幫襯她的人天光排到天黑，她兩日兩夜沒睡覺，只因想幫人。她說常有人問為甚麼不加價，「唔係賺幾多錢才開心，幾十年都唔加價，最緊要係要幫到人，我就最開心，自己有福氣，好感恩」。
連姐自言：「雖然𠵱家唔係賣到好多嘢．但基本嘢都解決到，同以前賣嘅一樣，行山嘅食唔到好多嘢，食吓魚蛋燒賣，冬天又可以暖暖哋，其實好簡單已經可以滿足行山友」。
大帽山茶水亭於80年代啟用，連姐於1995年接手經營，行山人士或單車友到茶水亭「打卡」更成為指定動作，就連周潤發也是該小食亭的常客。
■記者文兆麟、黃江奇