恒生銀行（011）前首席經濟師嚴愛群自從2014年退休後，呢個職位一直懸空，隨着恒生管理層換界，「新一姐」行政總裁鄭慧敏上場，恒生都終於有新一位首席經濟師喇。
之前已經做咗署理首席經濟師近2年嘅薛俊昇（Thomas）噚日升職，坐正做環球資本市場經濟研究部主管兼首席經濟師。Thomas可以話係恒生親生仔，2007年已經加入恒生，專長係宏觀經濟研究，主要職責包括研究分析歐美、內地及香港經濟發展、提供經濟預測等等。
前排Thomas仲係FocusEconomics Analyst Forecast Awards 2017入面，拎到最準確中國經濟增長預測第一名，果然係一級榮譽畢業。
李華華