政府近年放咗好多資源做網上平台，搞年輕人工作，政府青年頻道Youth.gov.hk就係其中一個例子。前日Youth.gov.hk就喺佢個fb專頁搞直播，吸咗唔少網民關注，不過就係鬧而唔係讚！
前日佢哋搵兩個女主持直播「狂擦」100粒燒賣，俾網民鬧爆浪費食物，而專頁好快刪咗條片，小編仲道歉，話「因小編們實在太喜歡吃燒賣了」。但網民唔滿意專頁刪片當冇事，反駁話使唔使cap番女主持食燒賣個反胃個樣出來！
結果專頁終於認衰，噚日下午再貼一段道歉聲明，重申冇浪費食物嘅意圖，又話100粒燒賣已全數由鏡頭內外嘅一眾小編食完，即係話兩名做直播嘅女主持，根本冇食完100粒燒賣喇！