栢芝前日為大仔Lucas慶祝生日，作為爺爺的四哥謝賢昨日就在中環出現，約下午2時許，他與一男性友人現身置地廣場食晏。一身黑色外套打扮的他胃口不錯，更點甜品吃，其間他玩手機時，除下他的招牌黑超研究，最後由他埋單請客，與友人搭膊走人。
另外，四哥日前接受鄭紹康主持的節目訪問，他大爆家中有倒吊機，邊吊邊拍臉減皺紋：「早年我本來有一撮白髮，後來吊吊吓就冇咗，我媽媽102歲過身時，都有好多頭髮，而且仲係灰色。」問到他與霆鋒邊個比較chok，他笑言：「Chok係人哋覺得，我係老人chok，佢係年輕chok！」在節目中，他更為「媾女王」封號平反：「其實我好專一㗎，成世人只拍過五次拖，仲要次次都係俾人撇。」
採訪、攝影：徐錦池
