對於一地兩檢，資深大律師湯家驊指《基本法》第22條清楚寫明，中央政府各部門不得干預香港根據《基本法》自行管理嘅事情，亦不可在香港設立辦事處，以及要遵守香港的法律，又質疑政府究竟根據甚麼憲制條文或法律基礎，可以做到一地兩檢。
湯又話勉強要喺香港境內進行一地兩檢，將直接衝擊一國兩制，又引用《基本法》第14條話香港政府負責香港社會治安，第16條說明香港政府是負起區內行政管理權，第18條規定香港特區只可以實行香港法律，所以在香港市中心進行一地兩檢，「憲法上根本完全是沒可能！」
大家冇睇錯，上述嘅言論的確係出自湯家驊把口，不過係2009、2010年嘅湯家驊，唔係2017年入咗行政會議、支持一地兩檢嘅湯家驊。
前黨友fb貼文
湯家驊舊戰友、公民黨余若薇都忍唔住喺fb幫湯回帶，話湯當日喺立會講明係市中心做一地兩檢，喺憲法上係完全冇可能。湯另一舊戰友、公民黨主席梁家傑亦同湯回帶，佢喺fb留低一句話：「當今大陸和香港最大的問題，就是讀過書應明理的知識份子，太多湯家驊，太少劉曉波！」