拳來腳往的擂台，流金鑠石的灶頭，陳佑良（良哥）絕招「拋鑊上勾拳」打遍這兩個舞台。曾為職業拳手的他公開賽未嘗一敗，但為生計卸下拳套拿起鑊鏟，由頒獎台最高級跌到廚房最底層被呼喝，憑習拳練就堅毅重新出發，終成富豪級食肆的行政總廚。由武入廚，良哥成功秘訣是將客人視作對手，並接受挫敗去改進，「你唔係要擊倒佢，而係要贏得佢嘅掌聲」。
膝撞、勾拳、側踢，敏捷的動作配搭澎湃的爆發力，今年已53歲的良哥，戴起拳套訓練，絲毫不見老態。14歲輟學投身社會，受李小龍影響以搏擊家為夢想的他，當年趁工作空檔學習武術，洪拳、蔡李佛、實戰空手道均有涉獵，直到遇上80年代拳王江富德，「原來打拳都可以搵自己夢想」，於是全心投入拳擊運動成職業拳手。
良哥形容頭兩年全職拳手日子相當辛苦，星期一至五要練拳教拳，周六、日則要到酒樓做雜工幫補收入，「香港運動員好難自給自足，生活唔容許你唔咁做」。
良哥指自己當時的目標是上擂台，「嗰時係想同人比試，𠵱家諗番係想實踐所學嘅嘢」，屢次贏得拳賽錦標，更曾到灣仔伊館打轟動全港的「三大拳館大火併」，風光一時。
學廚受盡侮辱不言退
至1983年政府立法規管打擂台必須戴上頭盔護甲，令比賽可觀性大減，良哥為生活決定轉型加入福臨門學廚，「覺得做廚房係專業啲技能」。但加入廚房要由低做起，習慣在擂台接受眾人仰望的他形容是天壤之別，「曾經光彩過，突然跌落谷底好難過」，回憶無經驗做錯事時受盡侮辱，「佢哋鬧嗰啲係完全唔會客氣，惟有咬緊牙關忍咗佢」。
良哥將打拳學到的堅毅放到學廚，「相信肯苦幹，將來一定可以捱出頭」。在廚房工作需要大量體力，「一個lunch都要3至4個鐘」，他利用拳手的身體優勢，更將招式融入炒菜，「好似拋鑊就同上勾拳好似」，做起事來比其他人事半功倍。
良哥又會將客人視為對手，「要贏得佢嘅掌聲」，經常留意收回來的食物食剩多少，更趁到會時與客人面對面溝通，「好廚師要接受自己不足，好似打拳今日我輸肘膝，點解我會輸呢？挫敗要承認，改咗，聽日先可以贏番佢」，終於捱出頭晉升行政總廚，現掌管有「名人飯堂」之稱的灣仔福臨門。
良哥擅長以「炆扣燉」處理珍貴食材，原來良哥是從當年福臨門一位老師傅身上學懂，認為傳承特別重要。他指本地飲食業自沙士後轉差，又缺乏新人入行，如今正面臨青黃不接，「要做到滿足每一位客人呢個終極要求，靠一個人一定唔夠」，現時全力投入培育下一代接班人，「𠵱家有好幾個（徒弟）已經成長咗」。
■記者佘錦洪
