【本報訊】經濟學家、冠域商業及經濟研究中心主任關焯照表示，公屋連環破頂相信是個別例子，或是買家負擔不起私樓價格，又有迫切需要，故願意承接，預期下半年樓市呆滯，樓價難升亦不易大跌，最多回落3至5%。
關焯照指，下半年一手市場賣樓速度將放緩，發展商或推出更多買樓優惠吸客，「上半年賣咗成八千幾九千個，下半年又賣返相同數量，但係需求冇咁強，佢咪要用啲所講嘅優惠嚟吸引客囉」。另外，他認為美國加息及縮表，暫時今年對樓價沒大影響，而且加息口速度或比預期慢。
資金或流入股市
他續指，股市暢旺，資金有機會從樓市流入股市，「因為實在樓市升咗太長時間，反而變咗個股票市場開始升，資金流咗去股票市場，啲人都未必得閒睇樓，睇吓股市好過」，但同時股市升，樓市好難大跌，除非股市爆破，樓價才會急挫，不過十九大之前股市應會繼續造好。
中文大學劉佐德全球經濟及金融研究所常務所長莊太量認為，「樓價短期內睇唔到有跌嘅誘因」，因就業數據不差，股市表現又好，樓價好難跌。他又指，唯一大變數是政策，包括內地及香港政府對樓市的調控，但短期內看不到有出新招可能。
資深地產分析員林一鳴認為，鳳德邨呎價雖然破紀錄，但由於這是細單位，每呎租金非常高，所以從回報方面不算差，收租回報料5%，吸引資金不多的投資收租客。
■記者朱連峰