【本報訊】特首林鄭月娥昨強調官員任命原則是用人唯才，但昨日履新的民建聯成員、勞工及福利局副局長徐英偉見記者時，卻無法回答最低工資水平，亦不懂計算綜援金額。陪同徐英偉見傳媒的勞福局局長羅致光替徐解圍，稱自己也不清楚標準綜援金額。職工盟秘書長李卓人批評徐英偉月薪高達21.7萬元，卻無心研究勞工議題，「佢連最低工資$34.5都講唔出，睇到呢個人根本冇心」。
羅致光解圍：我不清楚綜援金額
今年40歲的徐英偉在上屆政府擔任民政事務局政治助理，今屆升任勞福局副局長，月薪大增一倍至21.7萬元。
徐昨日在羅致光陪同下見記者，自稱勞工議題新手，當被問到最低工資水平和三人家庭綜援金額時，一直未有回答，僅稱「頭先局長都有講我返工幾個小時，我相信要去到細節，唔單止你講最低工資係幾多，去到政策議題上要同持份者接觸……」
在旁的羅致光即解圍稱：「頭先嗰個問題你都可以考起我。」羅又指自己亦不清楚成人、長者及兒童的標準綜援金額，更反問在場記者是否知道兒童標準綜援金額，並指綜援金額不是常識。
羅致光曾是民主黨前黨員，有記者追問為何揀選民建聯黨員徐英偉擔任副局長。羅致光指在勞福議題上，民主黨與民建聯於一些問題差距不大，副局長人選要長遠有興趣投身政治工作，而徐參與政黨、做過一段時間政治助理。他又指自己頗刻意挑選政治背景差異較多的人合作，「原因係我覺得一個比較闊政治光譜對未來工作有幫助」。
職工盟秘書長李卓人批評徐英偉離譜，竟然不知道最低工資是34.5元，「你真係有心做勞福局，你連最低工資幾多都唔知？第一你冇做功課，你諗住轉過嚟（勞福局），你起碼基本嘢都睇吓」。
李卓人指出，公務員系統政務官至少捱10年以上才有副局長薪級，徐英偉表現與薪酬並不相稱，「佢一嚟就可以上位，呢個已經係好唔公平，最弊市民亦睇唔到你有乜特別建樹」。
■記者潘柏林