女人嘅年齡幾時都係秘密，做得上市公司高層明知道冇得收收埋埋，但被人報大年紀就勢係假！Fraser（8366）上月底新委任執行董事孟瑩，當日份通告介紹孟小姐芳齡37歲，噚日特登出澄清通告，話因為無心之失而造成之排字錯誤，孟小姐應該係36歲先啱。
平時被人估大、估細一兩歲好閒箒，頂多係暗爽或者唔高興一陣間，但上市公司公告有法律效力，可能因為咁，孟小姐好緊張要澄清喇。
Fraser於2015年11月上市，大股東禁售期一過，就賣盤畀聯合金融控股，手續完成後，上月底委任新班底，其中，孟瑩本身係浙江聯合中小企業控股總裁、浙江中邦股權投資總裁。