維港一鑊泡？番梘泡泡大家都有玩過，你又有冇幻想過一個大場地同時間吹起千萬泡泡會係點呢？由即日起去到20號，海港城會舉行公共藝術計劃「Bubble Up」，由日本當代藝術家大卷伸嗣創作裝置藝術，逢星期五六日下午2點半及晚上6點半舉行表演，合共20場，佢由日本引入一個共6層、高3米嘅泡泡金字塔安裝喺廣場中央，另外仲有45部泡泡機對住唔同方向及高度，每場發放約1,000萬個泡泡。如果大家想現場自己吹泡泡，大會仲有慈善義賣泡泡樽同泡泡棒，喺「愛心泡泡」慈善義賣車開夜期間畀大家注入泡泡水，收入將會撥捐「思覺基金」。