師奶講一地兩檢，對大叔說：你咁驚，咪無行埋去咯，無返內地咯。大叔回應：「返唔返去都無分別，西九一地兩檢一旦過骨，西十，西十一…甚至西柒柒，就會遍地開花。香港呢一制，粉身碎骨。」
師奶：阿爺提供方便，你都唔要？大叔擰頭：「呢條方便之軌後邊，魔爪幾時伸出？我有女喎，我唔能夠為了方便，叫個女貪快行呢度，送女入虎口。」
師奶：你無妖魔化男人的生理需要啦！內地公安好慘啊，被困住唔出得來啊，邊有人會無啦啦捉你入去！大叔：「李波點計先！捉咗之後還迫你自認係用自己方式返去！保安局和律政司，蹺埋對手！」
師奶：荒謬！大叔苦笑：「N年前有個姓鄔的人大代表，點醒香港人，橫豎都要被強姦，何不躺下來享受一下。為咗一條鐵，快咗少少咁多時間，就叫你閉上眼，在西九扮去咗深圳，任人淫辱嗎？林師奶，你肯瞓低啫，我為人父母，咁樣教女？點對得住上帝！」
上帝傾聽大叔祈禱的同時，基本法20條授予人大委員和2.0特府的「其他權力」這條已然勃起的強國巨鐵，正在強勢推進！最後一公里，能煞停這起預先張揚而且必然陸續有來的「性侵事故」者，香港人自保選擇：兩地兩檢！