運動員喺退休後雖然都會繼續做下運動咁，不過訓練強度同以前當然無得比。唔知係咪咁嘅原因，前湖人當家球星拜恩（Kobe Bryant）最近就畀人影到一張佢竟然有「士啤呔」嘅相，搞到Kobe即刻的起心肝，話要接受挑戰，用30日時間操返一身肌肉出嚟喎！
難得嘅係，拜恩畀人影到張「士啤呔」相居然無發火，仲識得自嘲，喺Instagram貼呢張相出嚟，講笑咁話「喺鏡頭影到嘅嘢係有可能比喺鏡入面睇到嘅大啲，哈哈」，跟住Kobe就轉返認真mode，話接受挑戰，叫大家「畀30日時間」佢，仲落埋hashtags #mambathick 笑自己係肥佬。