港鐵連續三日三次跪低，而這三天中，香港人也差點被跪低。林鄭說恐懼一地兩檢的人，「咁驚咪無返內地咯」。順天邨色魔案，女事主夜跑回家時被色魔從後以環保袋笠頭，女事主咬其手臂逃脫呼救。以林鄭角度，肯定會說「咁驚咪以後無夜跑咯」！這種邏輯，完全是大媽應對，一個七百萬市民中只得777票當選的特首，沒有最低！真係極低！
接力低的是梁美芬，同樣以林鄭大媽套路兇對手：「全本基本法無話過一地兩檢唔得」。無話唔得，就係得？強姦犯遇着她，照搬歪理「佢都無話唔得，就係得！你情我願呀法官！」
馬時亨這個主席，辛苦你了，一地兩檢唔過骨，高鐵每月燈油火蠟要八千萬，唔係嚇你。大家被點醒，開源節流，唔好再捉烏蠅，打大老虎吧。叫高鐵熄燈，環保愛地球，炒晒班以屎忽度屎橋的契弟高層，每個月肯定慳到過億，唔係嚇你。
盲撐2.0政府出賣司法管轄權的人引基本法20條寫明：特府與人大享有中央授予的「其他權力」。「其他權力」還包括割地割腎與割子孫根嗎？誓神劈願撐西九行內地法的袁國強，能保證「其他權力」絕對不會發生至奇！