練馬師方嘉柏喜歡用轉倉馬幫自己擦靚招牌，上季共有七駒轉投方廐後曾上陣，當中六駒已取得頭馬，其中「綠色贏」、「大輝寶」及「公証揚鳴」均轉倉即勝，反映方嘉柏對來投馬往往採取急進手法。
此外，「綽綽有餘」轉方嘉柏後勝出四Win，頭馬遍佈田草、谷草及泥地，另外，老牌處女馬「寶正寶」加盟方廐在季尾打疊兩Win亦贏盡口碑。
目前方嘉柏共有五駒轉倉後未跑過，全部來自呂健威馬房，最值得憧憬是「喜盈盈」，目前已跌至35分，季尾在五班已連番接近，有力在方廐反彈。
還有「公証福將」，來港前在新西蘭兩戰全勝，俱跑1200米草地賽，一次贏8.5馬位，另一次贏9.5馬位，夾埋18馬位，實力唔尋常。此駒來港後未跑，已由呂健威改投方嘉柏，轉倉後一直操而不戰，或可如同主「公証揚鳴」般操好即勝。