動漫節重頭戲Cosplay大賽冠、亞、季軍及「最佳服裝獎」得主噚日出爐。冠軍由扮演《Dark Souls》角色「吞噬神明的艾爾德利奇」及「太陽戰士索拉爾」嘅李柱峰及李俊駒獲得，佢哋鍾情於呢兩個角色嘅神態同動作夠型格。
李柱峰首次Cosplay就要挑戰女角，角色條裙整得十分精緻；要令到條裙夠挺，裙架係關鍵，佢話足足用咗一個月先整到條裙㗎。李俊駒件衫就係用鐵環逐個串連而成，重達40磅，用咗6個月先整好。
季軍得主為情侶檔廖穎聰同梁樂婷，扮演機動戰士高達中「Hi Nu Gundam」及「MS Girl」，廖穎聰件高達服裝重20KG ，佢話件衫成3米咁高，鞋踭有30cm，行上台領獎時要幾個人扶住，認真寸步難行。