日本女星菜菜緒以長腿見稱，高挑身材被讚有九頭身黃金比例，不過原來佢唔止九頭身。菜菜緒日前喺Instagram留言話成人俾人話塊面好長，所以就用尺量度自己塊面究竟幾長，喺菜菜緒公開嘅短片見到，佢面長約16厘米，塊面都好細。菜菜緒又留言話以佢身高172厘米，面長16厘米，即佢身型比例似乎係十頭身先至啱。