英格蘭女足周日喺荷蘭舉行嘅女子歐國盃八強賽,憑前鋒茱迪泰萊喺60分鐘一箭定江山,以1:0小勝法國女足,取得四強一席位。今次係「女三獅」自1974年以來首次擊敗法國,同時相隔22年後再度晉身女子歐國盃準決賽。英格蘭會喺八月三號嘅四強賽同荷蘭對壘,另一場則由爆冷淘汰衞冕冠軍德國嘅丹麥女足對奧地利女足。奧地利周日同西班牙力戰120分鐘後打和0:0,互射12碼以5:3擊敗西班牙,得以晉身四強。