上市公司文件要嚴謹，可惜近年質素每況愈下，好似之前紅底股瑞聲（2018）俾沽空機構狙擊，好趕咁出通告澄清，搞到「市場情況」變成「市場情侶」，「股東」變「股來」。近日有間公司直情公佈「膠績（業績）」，真係咁膠？
話說，上周四中材（1893）發佈內幕消息，標題是「中材科技截至2017年30日止六個膠業績預告」。公司認真幽默，先嚟食咗個月份，再嚟話畀大家知佢有「六個膠業績」，真特別。
更特別係，件事發生喺上星期四，通常上市公司一旦發現錯標題或內容有誤都會馬上更正，偏偏中材冇喎，直到噚日都仲係冇人改喎。