【本報訊】專吼另類物業投資的「凶宅大王」伍冠流表示，投資無契樓的風險大過凶宅、半契樓，因為物業原業主及原裝樓契難以追尋，認為無契樓以市價七折售出屬合理水平。
以伍冠流於2013年於拍賣場購入的東頭邨振東樓無契樓為例，購入價227萬元，去年底以375萬元轉手，賬面獲利148萬元，期內物業升值65%。伍冠流透露，「當時買入低咗市價兩成咋，正路應該低三成，因為有人同我爭呀。𠵱家諗返八折買（上述無契樓）返嚟，都係太過勇，好彩俾我搵返到（原）業主，買返張契返嚟。」
最近無入市無契樓
雖然過去購買的無契樓都成功尋回原裝契，但伍冠流強調能否尋回原裝契視乎運氣，賭博心態相當高，「呢啲係彩數……我有聽過有啲人買咗無契樓之後，響屋入邊啲雜物櫃度搵到（原裝契）。」
「最近都無買到無契樓喇，因為風險仲大過半契樓。無契樓都唔知個業主去咗邊，張契畀佢棄置咗都唔出奇。」不過，伍冠流指，若然有合適機會都會考慮購買無契樓。