在西藏開咖啡館的旅遊達人薯伯伯，星期日在facebook撰文講述一宗好人好事，提及自己看到有並非某茶餐廳熟客的青年，因帶不夠現金而默不作聲，只是站在門口查看銀包。老闆娘問道「係咪唔記得帶錢啊」，然後再體貼地建議「咁就攞住先囉，遲啲先畀」，薯伯伯形容事件雖然微細，「但店家的應對，在繁鬧的香港，卻覺窩心」。其後他又補補充，指facebook朋友感謝他的報道，指茶餐廳「是我爸媽的心血，那個女士是我媽」，「對啊，那裡的所有食客都好有情的」。
薯伯伯提到自己數日前去灣仔昌記茶餐廳品嚐馳名的厚多士，因為邊吃邊等待友人所以坐在門口位置，其間一名青年站在門外看玻璃門上的餐牌，老闆娘便問道「想食啲乜嘢啊？埋嚟坐啦」，又叫青年坐下「慢慢睇」。不過，青年似乎因帶不夠現金，只是繼續一言不發地伸手在銀包「找來找去」。老闆忽然問青年是否忘記帶錢，繼而表示可以賒帳，「咁就攞住先囉，遲啲先畀」。惟可能因青年並非熟客，「好像有點不好意思，仍然站著」，老闆隨即再建議「咁一係叫個厚多囉，都係11蚊啫」，青年才沉默地拿出散銀買了一份厚多士。
有不少網民留言表示感動，「厚多有價，情無價！」亦有人提到自己有類似經歷「我之前去牛頭角工廈一間小店，唔記得帶銀包，老闆娘讓我拎走飯菜先，下次順路再畀，好感動！」
【網民點睇】
Stephen Ma：老闆娘好好人！咖喱真係好好味
Dicky Chow：希望咁有人情味既舊式茶餐廳可以繼續做落去啦，因為已經買少見少！
Kwan Ng：在這個混濁的社會裡，難得還有清泉！會去光顧，以示支持
Siu Ching：人情味好濃