日前有報章專欄作者話勞工及福利局局長羅致光（CK）公開指「香港的勞工政策事務過於偏重勞工」，CK噚日喺網誌指言論被誤解，對此說「丈八金剛摸不着頭腦」，而佢實際係話，香港嘅勞工福利，相對其他已發展地區有一定距離，所以勞工政策應向基層勞工傾斜。
但當然啦，羅致光同時指平衡勞資雙方利益都好重要，解釋中小微企佔香港企業九成以上，而絕大部份中小微企，好似飲食業同零售業都處於高度競爭狀態，故此要諗改善勞工權益之時，亦要考慮僱主承受力及佢哋嘅處境。
CK仲話部份人認為佢嘅觀點「親商」，但相信有此睇法嘅人係將僱員同僱主對立，並指若以收入或生活指數計算，唔少中小微企僱主同一般勞工冇分別，唔能夠將茶餐廳老闆同大集團睇成同一類僱主。