葉子淇，以前就叫做葉熙祺，佢係咩人嚟？呢幾年大家可能唔係太認識佢，但佢13年嘅時候，因為同郭富城傳緋聞，令到當時嘅佢好紅㗎。
09年以歌手身份出道嘅葉子淇，翌年就拍攝電影《戰牆》、11年出埋CD、12年就拍電視劇作品《牽牛的夏天》，其後又去埋日本發展，但咁多作品大家都應該唔係好有印象，因為佢最紅嘅都係13年，同城城傳出緋聞，有指佢喺城城屋企留咗30個鐘頭，仲有傳城城向佢求婚，不過最後都係傳聞。
同城城傳完緋聞之後，葉子淇嘅星途就一落千丈，呢幾年都唔係好見佢上過水，消失咗咁，其實佢本身仲有一部電影，就係九把刀嘅《打噴嚏》，但因為柯震東嘅影響，呢套戲由2014年到今時今日都仲未有得睇。