倪晨曦（Elva）最近獲韓國娛樂公司CJ Entertainment邀請，偕韓國歌手鄭俊英到日本四國拍旅遊節目，每日開工超過18小時，大部份是戶外工作，Elva自言每天也很疲累，不過很高興首次和韓星合作拍攝節目，她說：「平時得閒都會睇韓劇，但同韓國工作人員合作就好少，所以覺得好有新鮮感。」
Elva自爆最驚喜是鄭俊英一直有留意她的動向，她笑說：「有一晚喺酒吧拍，佢教我玩韓國流行嘅drinking game，最後鬥唔過Oppa，所以為咗爭番啲面，第二日拍我安排最拿手嘅瑜伽。鄭俊英係初學，做到已經好叻，希望佢返到韓國會同朋友分享今次經驗。」
撰文：葉綠悠