嚟到英國新市場呢個周圍都洋溢賽馬氣氛的城市，適逢剛周五晚新市場馬場七月賽道有黃昏賽睇，當然不可錯過。
想入呢個馬場先決條件，外表衣服一定唔可以太隨便，場外場內都有唔少警察進駐，馬場安檢嚴密，攜帶伸縮鏡頭必須經過檢查登記，拎到許可先可入場，本港記者唔少人都要特意去攞許可證，但花不了很多時間。
第一場賽事之後，有位馬場高層帶記者走入只容練馬師及馬主進入嘅沙圈，更見到高多芬練馬師蘇萊及名將蘇兆輝，蘇萊以手指公回應，親民程度不亞於日前在雅勿夫馬場相遇的戴圖理，不過今次記者攞唔到蘇萊簽名。
記者走到公眾沙圈中間位置，親身體驗英式賽馬，比香港相對為靜，因為佢哋好少作出廣播，旁邊觀眾亦較為安靜，但馬場會以敲鐘提醒騎師上馬，策騎賽駒到閘前，結果第二場賽事就由高多芬集團名下Festival of Ages勝出，不過唔係由蘇萊訓練，蘇萊訓練嘅Goldstar用蘇兆輝只得第三。