【本報訊】有關注基層家庭團體做問卷調查，發現九成半受訪劏房、天台屋、工廈住戶被業主濫收水電費，住戶平均每月須較水務署提供的標準多交近1.6倍水費，電費亦較中電每度電價格高；團體促政府立法規管業主濫收水電費、要求業主為住戶安裝獨立水錶。
爭取低收入家庭保障聯席於7月以問卷訪問了200位包括劏房、天台屋、工廈的不適切住戶，發現業主濫收水電費情況嚴重，約95.7%受訪住戶按每度電1.2元至2元的價格向業主交電費，比中電每度電1.1元價格高，更有一度電3元情況，即比中電價高1.72倍；水費方面，業主亦平均向租客收每立方米14.62元水費，較水務署所定的每立方米9.05元高出1.61倍，工廈最高亦有一立方米18元水費的濫收個案。
劏房住戶阿芳指業主現收取每立方米水費14元、每度電1.6元，她每月平均交120至130元水費，「夏天電費總額就每月要600幾蚊」，她指業主簽約時未有向其解釋收費計算，「我之前唔知（價格），後尾先知比中電個價濫收咗咁勁，亦都有同業主講，不過佢話出面度度係咁，你唔租你咪搬走」。她與女兒月入約7,000元，為減少支出，少用水電，「好似啲洗菜水、洗米水就儲埋嚟沖廁，慳返水費」。
現已搬離劏房的街坊代表張志權指，「以前住劏房交畀業主，最熱天時係每月電費900幾元，水費260元；𠵱家住嘅地方，業主將水電轉返做我個名，每月都只係交300幾元電費，對比差成幾百元，水費都只係30元」。
■記者葉偉東