韓劇《住在我家的男人》嘅25歲女星趙寶兒出名身材好，出席活動行紅地毯時都會穿上低胸裙騷身材，不過原來佢都曾地獄式節食嚟減肥。
趙寶兒曾於訪問中表示自己連續幾個月靠運動同地獄式節食法嚟減肥，表示：「好在意身材，一直都有調整飲食、節食及運動，全部都係血淚史，由試鏡開始就一直減肥。」除節食外，趙寶兒亦成日做運動，當中佢就不時於Instagram公開做普拉提（Pilates）嘅照片，分享日常生活同時晒身材。
而飲食方面，趙寶兒亦有飲開自家製嘅果汁，佢會事先將蔬菜及水果榨成汁，之後雪成冰，再加入梳打水及檸檬汁，表示可以美白、排毒及瘦身。