34歲嘅王心凌早前性感床照流出，而前度男朋友姚元浩就承認係佢影，不過就強調唔係佢外流，兩人有可能為此對簿公堂，而前日王心凌就被直擊同表姐及朋友齊齊飛去泰國曼谷還願兼散心。
據知王心凌之前曾去泰國度假，仲去拜神許願演唱會順利，而演唱會亦好受歡迎，所以佢就趕喺打風之前去還願。昨日就有Fans喺拜四面佛時巧遇王心凌，照片中她穿著藍色小背心、戴住黑超，臉上就冇乜表情，而對於王心凌最近面對嘅風風雨雨，呢位Fans表示痛心並寫道：「多好的姑娘，遇到的人怎麼那麼渣，希望她以後能好好的。」王心凌對泰國情有獨鍾，曾喺2011、12年帶經理人公司嘅員工去泰國旅遊，前年都被Fans發現同姚元浩遊泰國恰圖恰市集。