劉偉強在訪問時精心炮製七餸一湯，精美程度可媲美方太教煮餸。製作的秘訣除了一個「心」字，還有不少秘訣：「啲重皮蟹專登叫我位武指，幫我入大埔街市買，隻隻爆膏。啲蟹要用冰雪暈佢，再抹粗鹽焗一粒鐘。」
食灼蝦的重點是當中的醬汁，劉偉強說：「個汁係媽咪教，不過改良咗，用咗蒜、薑同葱跟住加咗三種豉油，再撈勻佢等入味。蝦醬蒸梅頭重點係用梅頭豬肉juicy啲，加埋蝦乾喺入面就好有海鮮味。」
為訪問劉偉強導演，動主播獻出了第一次「食鱔」，除了果皮還加入白麵豉醬，令味道更突出。今次導演預備了番茄薯仔湯，他謂這是經常在內地拍戲時煮的湯品之一：「另一個係苦瓜排骨湯，喺內地拍劇成日食埋嗰啲嘢，所以我教咗劇組阿姐煮呢兩個湯，易煮又好食。」