花牌製作技藝，是香港非物質遺產，叫得遺產，自然值得珍惜，但也意味逐漸式微。事實上，現時全港只剩5間製作傳統花牌的公司，由蔡榮基掌舵的老字號，連他在內只有7個人，已屬行內龍頭。「年輕人都不願入行，好多見好似幾得意，嚟見工話想入行，只做一日，第二日已經唔見咗人」。蔡說。紮作大型花牌工序繁複，由摺花寫字配置色紙，到破竹紮作支架上棚組裝。「呢行有一定危險性，人工唔高，賺嘅係辛苦錢，就算捱得，好多後生寧願去紮鐵，賺2千幾蚊一日好過」。
不過，也有不怕辛苦和低薪的年輕人，21歲入行的豪仔，便是其中之一。做了7年，已是能獨當一面的師父仔，豪仔說入行學師以日薪計，他記得只有$270，同2千日薪的紮鐵工差天共地，但做過地盤和汽車維修的他，直言，有些經驗確是有錢買不到。「呢份工可以週圍去唔出奇，但無諗過可以去埋美國，同啲外國人示範點樣造花牌，真係好興奮」。開幕後續留美國兩星期，主持工作坊，向外國人展示港式花牌技藝，他直言一世難忘。
豪仔謂，紥作是他做得最長的一份工作。「頭一個月最辛苦，手指好痛，捱過咗就得，喺呢度做，令我學識咩叫台上一分鐘，台下十年功」。同樣做過地盤的阿鈞，是另一個捱得過的年輕人，他說尋尋覓覓，希望學到一門有興趣的手藝。「以前做地盤，大部份時間各有各做，依家最開心係可以係team work」。入行35年的楊師父，看盡行業由盛轉衰。「呢行無得速成，點先可以紮得穩，要用暗力，亦要較準角度，全部都係經驗，但你學識咗，就會跟你一世」。
記者 呂麗嬋