【搶先玩動漫節】動主播遭白兵生擒　試打VR新Game嚇餐懵

【搶先玩動漫節】
動主播遭白兵生擒　試打VR新Game嚇餐懵

一年一度動漫電玩節開鑼啦！同往年一樣，現場人山人海，氣氛勁熱鬧！除左大型參展商請嚟性感又可愛嘅Game Girl，現場仲有唔少Cosplayer，吸引大量龍友狂影。

現場精心打扮的Game Girls，已經成為每年動漫節必睇環節。

HOT TOYS展出1:1大小的雷神索爾和變形俠醫模型。

現場更有今年熱爆的Wonder Woman 模型，同樣100%比照真人，粉絲記得不要錯過。

動主播Sapna率先試玩XBOX ONE X將於10月底才推出的賽車遊戲。

會場仲有好多未面世嘅遊戲任你試玩，包括XBOX ONE X嘅賽車遊戲，分別以高達、ONE PIECE為主題嘅手遊，連最新嘅Play Station 4 VR Games都有，唔怪得知現場排晒隊啦！但講到人龍又點及得HOT TOYS咁犀利呢！食住Marvel、DC Comic、Star War個勢，吸引大量漫畫電影迷喺現場掃貨。

動主播Rachel最愛日系風格的可愛玩具。

Play Station 4 今年推出4款VR Games任機迷試玩。

最新款的Star War千鷹號加上會亮燈的尾翼、駕駛室、升降臺。

除左大人啱玩，今年會場仲增設咗兒童專區，首辦「第一屆兒童玩具節」，場內設有3D自拍館，仲有三個大型吹氣彈床。會場特設親子通道，家長憑門票最多可帶兩名12歲以下小童免費入場，首500名入場小童更可獲汽球一個。

連電影《春嬌救志明》裏面的「屹屹剛」也可於現場購買。

會場增設兒童專區，更有三個大型吹氣彈床，小朋友表示「好開心啊！」。

咁多精采項目，就等兩位動主播Sapna同Rachel，率先帶你睇吓今年動漫展有咩好玩啦！

記者：Sapna、Rachel
攝錄：馮峰、NEO
剪片：IVAN