政府提出將廣深港高鐵西九龍總站四分一樓層租畀內地管轄，實施一地兩檢，租界範圍司法管轄權全交內地，被指係割地，激起各界反響；明星貓「忌廉哥」fb日前亦抽水，po忌廉哥瞓覺相，配上文字「割了這片地 像割了我忽肉 我愛我城」，似乎係反對一地兩檢。
點知帖文一出，即被洗版留言大鬧專頁將貓政治化，唔少留言者個人圖像有「藍絲帶」。
另外，專頁亦不乏以簡體字留言者，大多批評版主利用忌廉哥宣揚政治，係「用貓過橋」，直轟「請勿利用大眾喜愛的忌廉哥作為政治工具」、又指「對忌廉的主人或者代筆寫這篇的人非常失望」。
但亦有唔少留言支持帖文，指香港係個有言論自由嘅地方，唔喜歡可unlike專頁，「又要like人哋個page，又接受唔到人哋想講嘅嘢係咩心態？」