月初推出的免費網上大碟《給灣仔的歌》，由一眾本地音樂人向灣仔獻樂，不同作品不同曲風，對灣仔傾注感情卻一樣，感慨當下香港缺乏重舊物的感情。這張灣仔社區概念大碟由傘後組織「灣仔廣義」籌備，身為召集人的匯業CEO區麗莊指，因組織內有義工從事音樂，既然希望為關心灣仔的朋友搭建發聲平台，索性以音樂表達，更揀選對港人重要的日子7.1出爐。
大碟第一首歌是港人不常聽的搖滾純音樂《Heat Death》（熱寂）。獨立樂隊話梅鹿成員阿軒形容「聽落有城市嘅感覺」，指此曲更是樂隊組成3年多以來「玩得最開心、試到最多（元素）嘅歌」。
嘆港人不懂珍惜從前
年僅22歲的阿軒對灣仔別有一番感覺。家住南區的他因兼職關係，當年每朝都要到灣仔，因而走訪過灣仔不同地方，「（最初）覺得一過咗（香港仔）隧道之後所有地方都係100蚊個lunch，但發覺原來唔係，灣仔都有街市，灣仔都有正常嘅嘢」。
被喻為香港獨立搖滾界超級組合（Super group）的Teenage Riot，則選上一段早已寫好、較靜的樂章，專門填詞寫成《Bright》。負責填詞的樂隊女主音Freakiyo稱，填詞時正想起晚上的同德大押，「當大家都喺度討論緊，究竟一幢建築物應該留低定係點樣嘅時候，其實嗰幢建築物作為儲存咗咁多記憶嘅空間，佢會唔會自己都有啲諗法或者感覺呢？」
Teenage Riot男主音阿波2005年結婚的囍帖，正由囍帖街的小店製造，惟囍帖街現已面目全非，「我諗係（香港）欠缺一啲識得珍惜從前嘅嘢嘅人」，「佢哋唔會明一間舖頭可能喺度幾十年係有佢嘅意思，雖然佢可能生意額唔係好高，但可能對成個環境都會構成一個好正面嘅影響」。
寄語勿只懂拍照留念
Freakiyo補充，「可能社區嘅人係重視，但真係有say去發展、（社會）上層嘅人就冇（重視）」，阿波反問：「但係都對抗唔到喎？」，「所以咪有社區組織!」Freakiyo邊笑邊答，指一如《Bright》最後一句歌詞「Please don't just come say goodbye」，希望港人不要在值得保留的事物快要消失時，現身拍照留念、說句再見便算。
以前年年初寫成、講述雨傘運動的《Run.Run.Run》作為大碟歌曲的ReLaxpose成員業仔直言，「發展梗係要啦，但我哋發展係咪咩都唔理、咩都拆咗先？」。他指昔日灣仔人情味濃，寄語珍惜香港的人面對掣肘時都不要隨波逐流，要發聲、要行動，「盡量喺自己控制到嘅範圍裏面去畀唔同意見」，正如今次參與《給灣仔的歌》，「真係發咗聲先啦，音樂係聲音嚟㗎嘛，起碼好聽呀！」
■記者呂浩然