恒隆地產（101）行政總裁陳南祿又招攬國泰（293）舊同袍過檔。話說國泰早前重組又執位，做咗30年、曾經管理過公關部嘅程鼎一，原本要調去北京，因家庭原因唔想北上，於是辭職不幹，佢休息兩個月，前日就去咗恒隆返工，負責Service Delivery，管理商場運作。
之所以話陳南祿又招攬國泰舊部，係因為佢過檔恒隆無耐，已經搵咗N年前做過國泰大公關、之後去咗新世界（017）嘅關則輝去恒隆幫手，關則輝𠵱家除咗公關工作，亦有負責賣樓。家陣請埋程鼎一，又多一位老拍檔。陳南祿噚日就形容，呢班得力助手個個都周身刀㗎。