【家長控流浪】
【本報訊】8歲男童參加名校生雲集的踢波活動，守龍期間遭另一球員踢傷眼睛。男童母在區域法院向流浪足球會及兩名教練索償12萬元，聲稱應安排男童戴頭盔，昨更舉阿仙奴門將施治為例。被告教練揶揄謂「呢頂帽呢幾日都幾hit」，並指其實守門員接波「最危險係隻手」，故只會戴手套或護脛。流浪總監李輝立則指那只是保護受傷球員的頭套，如要佩戴需出示醫學證明。
記者：楊家樂
受傷男童李東諺於事發時就讀陳瑞祺（喇沙）小學。首被告教練羅國豪昨供稱，只知男童與兒子份屬同學，他與男童或其母萬月玲並不熟稔，亦沒邀請他們到場。羅哽咽道：「佢喺度發生意外，我都好唔開心。我個仔仲話，爹哋我累咗你，我唔應該叫佢嚟玩，唔應該識呢個朋友。呢三年嚟，佢不停同我講，爹哋對唔住。我話唔關你事。」
教練：我都係普通家長
羅認為大家對其身份有所誤解：「我係一個教練，我嚟到就係一個教練？做教練唔係好叻，如果我唔係執行緊職責，我都係一個普通家長之嘛。唔通我帶個仔去打籃球，我又係教練咩？」
次被告謝志明則供稱，曾在足總任職，事發時在拔萃男書院附屬小學擔任體育老師助教，當日帶同三名學生出席涉案足球活動。事發時他並無踢波，只在場邊休息，並如其他家長般不斷大叫「入波」、「出界」，既非球證亦非教練。他事前不認識受傷男童，亦看不見他受傷經過。
謝又指據他所知，在大多數情況下，球證只會在碰撞發生後才暫停賽事，除非事前已出現起腳過高等危險動作；而球證並非一定判罰進攻球員，守門員也有可能犯規。
流浪總監李輝立則稱，整件事只因無知的家長不依正當程序做事而起，指原告既無親身視察場地，亦無查明場地有否買保險，卻編造故事「拖好多人落水」。各方今日結案陳詞。
案件編號：DCPI1766/15