現年31歲嘅中央陸軍門神艾堅菲夫終於喺歐聯比賽唔失波；佢上一次喺歐聯唔失球，已經喺2006年11月1日作客賽和阿仙奴0:0嘅比賽，當時阿仙奴陣中尚有亨利同法比加斯等球星。
喺經過39場有失球嘅歐聯比賽後，佢終於喺11年後領莫斯科中央陸軍（橙衫）作客以2:0輕取AEK雅典，保持清白身，兩隊將喺下周三中央陸軍主場交鋒。
