好多人去旅行都好怕執行李，因為又想帶呢樣，又想帶嗰樣，結果搞到個篋滿瀉；相信前曼聯球星菲臘尼維利（小圖右）嘅太太茱莉（小圖左）都係其中之一，因為佢喺社交網頁上載咗去旅行嘅行李，竟然有七個名牌行李箱之多！網友見咗張相，都幾唔住「潤」吓茱莉兩句，有人問佢要去幾多個月旅行，有人就問佢啲行李係屬於幾多個人，而最頂癮係有網民問佢𠵱家究竟係去旅行定係去移民！