去年劉倩怡在尖沙嘴開設小店「浴．望」賣手工皂，直至今年5月再於西貢開設分店賣生活雜貨。不過，劉倩怡表示開舖不是為賺大錢：「𠵱家呢個階段盡量希望蝕少啲，學習點樣平衡。」平日她會在西貢小店打躉看舖一腳踢，問既然鄭子誠搵到錢，何解仍要如此勞碌辛苦？劉倩怡急急澄清說：「大家好儍，覺得我老公搵到錢，我老公只係一個小藝人，佢配旁白就算配到上天，有幾錢一個VO？我哋唔係捱緊窮，有個工人姐姐用緊，供緊幾百萬層樓，我哋係一個普通嘅中產。」
劉倩怡指有人以為鄭子誠打本給她開舖，其實開小店全是她的私己錢，她說：「所以我唔可以有大開支，我都係要填吓填吓，但我享受做小店過程，唔令自己太大壓力。」