在電視節目《盛女愛作戰》一炮而紅嘅盛女導師兼婚姻介紹所老闆吳美玲（Mei Ling），2013年向信置（083）以1,643萬元買入灣仔囍滙一個實用760方呎嘅兩房單位，今年5月曾委託拍賣行拍賣，開價1,950萬元。
土地註冊處資料顯示，Mei Ling本月初已經將單位成功賣出，而且賣價比拍賣價更高，成交價1,970萬元，呎價25,921元。
除咗賬面獲利327萬元，升值兩成外，原來Mei Ling當日採用高成數按揭，獲一間私人財務公司批足樓價100%樓按，按揭額1,643.02萬元，即係變相零首期買樓。
當日佢買樓後接受訪問仲話：「同朋友飲完茶，佢帶我來呢度（囍滙售樓處），戇居居買咗層樓！」估唔到當天戇居居買樓，飲餐茶都賺幾百萬。