麗新集團主席林建岳嘅千金林顥伊，近年加入家族公司幫手，不時現身樓盤銷售場合。噚日麗新旗下深水埗新盤開價，林顥伊又坐鎮，揸咪介紹樓盤，仲搞搞新意思，敲銅鑼賣樓咁話。之前喺公司其他樓盤已經做過幾次類似工作嘅林顥伊，噚日表現都幾得體，全程有紋有路，仲幫到麗展高級副總裁潘銳民答啲問題，果然係Practice makes perfect。